پمپیو: پر طالبانو باور نه لرو، خو خبره پر هوکړه د عمل کولو ده


تاند، دوشنبه، د حوت ۱۲مه: د امريکا د باندنيو چارو وزير مايک پمپيو د طالب زندانيانو د خوشي کولو په تړاو ويلي، د باورجوړونې لپاره له ټولو اړخونو سره گډ کارکوي.

ښاغلي پمپيو له سي بي ايس ټلويزيوني شبکې سره خبرو کې په همدې تړاو وويل ، ډېر خلک به د رسنيو دپام اړونې له پاره يو لړ خبري کوي .

د مایک پمپیو چې د امریکايي سي بي اس ټلویزیون نطاقې په وینا تازه له دوحې ستون شوی او مرکې ته ناست و، له عمده پوښتنو سره مخ و چې په هغه کې پر طالبانو د باور کولو، د بندیانو خوشې کولو او د لاسلیک شوي هوکړه لیک په اړه د امریکا د پارلمان غړو ته د وضاحت ورکړه وه.

د سي بي اس ټلویزیون نطاقې مارګرېت برینا چې کله د ولسمشر غني پرونیو څرګندونو په اړه ښاغلي پمپیو وپوښت چې د طالب بندیانو خوشې کولو باندې هوکړه نه ده شوې، ایا امریکا موافقه کړې چې د ۵۰۰۰ بندیانو خوشې کولو کې به مرسته کوي.؟

هغه وویل: ((تاسې ولیدل چې په سند کې څه لیکلي وو، ویل شوي چې موږ به له ټولو ښکېلو خواو سره کار کوو چې اعتماد سازي وکړو، افغان حکومت غیر طالبان خلک او موږ غواړو چې په دې کې ټول وي، موږ غواړو چې ښځې په کې ښکېلې وي… ډېر خلک به وي چې یو څه به وایي، ډېر شور او زوږ به وي چې په رسنیو کې له یوه بل سره د رقابت له پاره ځان ته د خلکو پام ور واړوي، څه چې مهم دي زموږ کار دی. هغه بحثونه چې مو درلودل. موږ اوږده لار وهلې ده.))

مایک پمپیو زیاته کړې، کله چې ذی په دوحه کې و د امریکا دفاع وزیر د ناټو له سرمنشي ینس سټولټنبرګ سره په کابل کې و او هغوی یوه ګډه اعلامیه درلوده چې په کې د افغانستان د حکومت له خوا هم ژمنه وشوه: (( هېڅ څوک داسې ګومان نه کوي چې دا دې آسان کار وي. موږ د دې لپاره چې امریکايي سرتېري کور ته ستانه کړو زمینه برابره کړې او په افغانستان کې مو د امریکایانو د ژوند له لاسه ورکولو خطر کم کړی او هیله لرو داسې شرایط مو برابر کړي وي چې افغانان د څلوېښت کلنې جګړې له پاره حل لار موندلې وي.))

دا په داسې حال کې ده چې پرون ولسمشر غني په یوه خبري ناسته کې وویل، چې امریکا یوازې د طالب بندیانو د خوشې کولو د تسهیل ژمنه کړې اوپه هوکړه کې دا خبره نشته چې بندیان به ورخوشې کوي.

ولسمشر غني وویل، د طالب بندیانو د خوشې کېدو په اړه باید افغان ولس باوري وي او هغه طالبان چې خوشي کېږي، د ملت پر وړاندې به نه درېږي او وسلې ته به مراجعه نه کوي.

بلخوا مایک پمپیو هم ویلي چې پر طالبانو هېڅ ډول اعتماد نه لري خو اوس خبره پر هوکړې د عمل کولو ده او دده په وینا په دوحې کې د هوکړې شرطونه او فضا یې مشخصه کړې او د اعتماد لپاره پر چا ډډه نه لګوي.

کله چې خبریالې له ښاغلي پمپیو پوښتنه وکړه چې پخوا خو یې طالبان ترهګر بللي وو؟ اوس څنګه، زیاته یې کړه چې د ډېرو امریکایانو په وینو یې لاسونه لړلي دي.

ښاغلي پمپیو د دې پوښتنې په ځواب کې چې د هوکړې پټې ضمیمې هم شته که نه ویې ویل، د سند عامه برخه خپره شوې خو د دوو تطبیقي عنصرونو په نامه یې د یو څه یادونه وکړه چې وايي سري پوځي اسناد دي چې د امریکايي سرتېرو د خونديتابه له پاره مهم دي خو د امریکا د کانګریس غړي یې لیدلی شي .

onesignal_meta_box_present:
onesignal_send_notification:
response_body:
{“id”:”853a1b0b-57ba-4f6b-be7a-96b93b607045″,”recipients”:861,”external_id”:”01ca6370-e2f4-6009-2b57-c0ced90985ea”,”warnings”:[“You must configure iOS notifications in your OneSignal settings if you wish to send messages to iOS users.”,”You must configure Android notifications in your OneSignal settings if you wish to send messages to Android users.”]}
status:
200
recipients:
861





Source link

Leave a Reply