Home / خبرونه / افغانستان / د سولې خبرو کې د حکومت پلاوی د ټول افغانسان استازیتوب کوي

د سولې خبرو کې د حکومت پلاوی د ټول افغانسان استازیتوب کوي

د ولسمشر ویاند
صدیق صدیقي وايي، چې د سولې خبرو کې د افغان حکومت پلاوی به د ټول افغانستان او
سیاسي کړیو استازیتوب وکړي.

ښاغلي صدیقي
نن ( سه شنبه سلواغې ۲۹ ) د یوې خبرې غونډې پر مهال وویل چې د سولې خبرو کې افغان
حکومت ته د مرکچي پلاوې پایله مهمه ده، خو دا یې په ډاکه نکړه چې د افغان حکومت په
استازیتوب به څو ګډون کوي.

د ولسمشر
ویاند زیاته کړه چې د سولې وروستې پرېکړه به د افغانستان وګړي نیسي، خو د مرکچي
پلاوي لپاره به محدودیتونه افغان حکومت ټاکي.

نوموړي هیله څرګند
کړه چې د تاوتریخوالي کمېدل په اوربند بدل شي، او

له رامنځته
شویو فرصتونو یې خوښې څرګنده کړه او زیاته یې کړه چې افغان حکومت شته فرصتونو او
ګواښونو ته په کتو په تدبیر سره مخکې ځي.

هغه د امریکايي
چارواکو له خولې وویل چې طالبانو چمتو شوي تر څو له جګړې لاس واخلي.

ټاکل شوې نږدې
ورځو کې د طالبانو او امریکا ترمنځ د سولې هوکړه لاسلیک شي، خو د ولسمشر ویاند وویل
چې د سولې هر بند په مشروط ډول لاسلیک کیږي.

تر دې مخکې
امریکايي چارواکو ولسمشر غني ته ویلي و چې طالبانو سره د سولې هوکړه په مشروط ډول لاسلیک
کوي، او د هوکړې هېڅ بند بې له شرطه ندی.


Source link

خپرندوي خامه پرس

Leave a Reply