Home / خبرونه / افغانستان / ډاکتر عبدالله:د تقلبي پایلو د اعلان په اړه زما موقف د خلیلي او جنرال دوستم موقف دی

ډاکتر عبدالله:د تقلبي پایلو د اعلان په اړه زما موقف د خلیلي او جنرال دوستم موقف دی

د انتخاباتو غیرشفافې پایلې نه منم او موقف مې هماغه دی، چې د ثبات او همپالنې ټیم رهبرانو جنرال دوستم او کریم خلیلي اعلان کړی دی، خلیلي او دوستم ویلي وو چې موازي حکومت جوړوي

جنرال دوستم او کریم خلیلي تر دې وړاندې خبرداری ورکړی
چې که د انتخاباتو کمېسیون یو طرفه پایلې اعلان کړي، د عبدالله په مشرۍ به موازي
حکومت جوړ کړي

د ثبات او همپالنې په ټیم کې شاملو سیاسي ګوندونه هم
وايي که شفافې پایلې اعلان نه شي هېواد به له بحران سره مخ شي او دوی به د جنرال
دوستم له دریځه ملاتړ وکړي

کابل – د ثبات او همپالنې ټيم د رهبرۍ غړو جنرال دوستم او ورپسې د کریم خلیلي له لوري د
موازي حکومت جوړېدو تر خبرداري وروسته د حکومت اجرائیه رئيس وایي، چې دده موقف هم
همدا دی.

اجراییه رییس ډاکتر عبدالله عبدالله د وزیرانو شورا اونیزې ناستې ته د وینا پر مهال وویل چې یوازې د انتخاباتو مشروع او شفافه نتیجه غواړي.نوموړی وايي غیر شفاف نتایج نه
مني او په دې تړاو د ثبات او همپالنې ټيم رهبرانو هم څرګندونې کړې، چې
دده موقف هم همدا دی.

ډاکتر عبدالله همداراز ویلي هر هغه اقدام، چې د تاوتریخوالي د کموالي او جنګ کمېدو
برخه کې اوچتیږي کلک ترې ملاتړ کوي.عبدالله وایي، چې دواړه لوري باید خشونت د
کموالي توافق مراعات کړي او هیله لري روانې هڅې د یو نوي فصل د پیل سبب شي.

دا په داسې حال کې ده چې د ولسمشرۍ انتخاباتو د غیرشفافو
پایلو د اعلان پر وړاندې د جنرال دوستم له خبرداري وروسته، د ثبات او همپالنې
انتخاباتي ټیم کې شاملو سیاسي ګوندونو هم خبرداری ورکړ، چې که د انتخاباتو کمېسیون
په غیر شفاف ډول یو طرف د انتخاباتو ګټونکی اعلان کړي هېواد به بحران سره مخامخ شي.

د جمعیت اسلامي، حزب وحدت اسلامي، د افغانستان د خلکو د
وحدت ګوند، ملي پیوند او ملي جنبش ګوندونو په جلا جلا اعلامیو کې د انتخاباتو په
تړاو د جنرال دوستم له وروستي دریځ ملاتړ اعلان کړی.

 د
افغانستان د خلکو د وحدت ګوند په اعلامیه کې راغلي:« موږ ټینګار کوو که چېرته د انتخاباتو نتیجه د درغلیو
پراساس اعلان شي، هېڅکله به یې ونه منو او د ثبات او همپالنې ټیم سره په ګډه به بې
تفاوته پاتې نشو او باالمثل دولت به اعلان کړو، او پدې برخه کې د جنرال دوستم له
اصولي دریځ څخه ملاتړ کوو،»

د جمعیت ګوند هم د یوې اعلامیې په خپرولو سره ویلي:«د
جمعیت اسلامي ګوند د انتخاباتو کمېسیون پرېکړې له ابهامه ډکې بولي او خبرداری
ورکوي چې د شفافیت نه تامینېدو په صورت کې او درغلیو ډکو رایو ته د اعتبار بښلو
هڅو پر وړاندې به د عبدالله عبدالله په رهبرۍ د ثبات او همپالنې دولت اعلان کړو او
د موازي حکومت جوړېدو په برخه کې د جنرال دوستم څخه ملاتړ کوو.»

د حزب وحدت اسلامي ګوند هم وايي که د انتخاباتو نتیجه پر
درغلیو ولاړه وي د جنرال دوستم له طرحې ملاتړ کوي.

په ورته مهال د جنبش ګوند ټینګار کوي په هغه صورت کې چې
د انتخاباتو کمېسیون د دوی قانوني غوښتنې له پامه وغورځوي د موازي یا بالمثل حکومت
رامنځته کولو باندې به کار وکړي.

د حکومت اجرائیه رئيس داسې مهال د جنرال دوستم او کریم
خلیلي له وروستیو څرګندونو هرکلی کوي، چې جنرال دوستم او کریم خلیلي د غیرشفافو او
تقلبي نتایجو د اعلان په صورت کې د عبدالله په مشرۍ د موازي حکومت د جوړېدو خبرداری
ورکړی دی.




Source link

خپرندوي ويسا

Leave a Reply