Home / خبرونه / افغانستان / د انتخاباتو کمېسیون:د ځانګړي تفتیش پروسه پای ته رسېدلې، په دریو ورځو کې به وروستۍ پایلې اعلان شي

د انتخاباتو کمېسیون:د ځانګړي تفتیش پروسه پای ته رسېدلې، په دریو ورځو کې به وروستۍ پایلې اعلان شي

د انتخاباتو شکایتونو کمېسیون چې د ۱۰۲ زره او ۱۳۷ زره رایو په اړه
کومې رایې تفتیش ته لېږلې وې، ۹۵ سلنه‌یې ریزلت شیټ او نورو برخو کې ستونزې نه‌درلودې

کابل – د انتخاباتو خپلواک کمېسیون وايي چې د رایو د بیاشمېرنې او ځانګړي تفتیش پروسه پای ته رسېدلې
ده.

د کمېسیون غړي وايي چې د
دوی له لوري د ځانګړي تفتیش پروسه پرون پای ته
ورسېده او تر راتلونکو درې ورځو پورې به وروستۍ پایله اعلان شي.

د انتخاباتو کمېسیون غړي محمد حنیف دانشیار پرون دوشنبه رسنیو
ته وویل په تفتیش شويو رایو کې ۹۵ سلنه ‌یې ریزلت شیټ او نورو
برخو کې ستونزې نه‌درلودې.دانشیار ټینګار کوي چې تقلبي پایله هېڅوک نه‌مني او دوی
د قانون له مخې کار کړی.

دانشیار پرون
وویل: “تاسې ته ډاډ درکوم چې تر
راتلونکو درې یا هم څلورو ورځو پورې به وروستۍ پایله اعلان کړو، د انتخاباتو
شکایتونو کمېسیون چې د ۱۰۲ زره او ۱۳۷ زره رایو په اړه کومې رایې تفتیش ته لېږلې
وې، ۹۵ سلنه‌یې ریزلت شیټ او نورو برخو کې ستونزې نه‌درلودې.”

نوموړي وویل چې دغه پرېکړې به لومړۍ د ټاکنیزو شکایتونو
کمېسیون ته واستول شي او وروسته به د ټاکنو خپلواک کمېسیون وروستۍ پایلې اعلان
کړي.

د انتخاباتي شکایتونو کمېسیون د پرېکړې پر بنسټ، د ۱۳۷۶۳۰ شکمنو رایو
څخه ۱۰ سلنه او د ۱۰۲۰۱۲ له وخته مخکې کارول شویو رایو ۱۵ سلنه په ځانګړي ډول
تفتیش شوي.

د انتخاباتو خپلواک
کمېسیون په داسې حال کې دغه اعلان کوي چې د عبدالله عبدالله په مشرۍ د “ثبات
او هم‌پالنې” ټاکنیز ټیم د ځانګړي تفتیش بهیر د تحریم ګواښ کړی دی.




Source link

خپرندوي ويسا

Leave a Reply