کور / خبرونه / په ارغنداو ولسوالۍ کی د محلی اردو دپیاوړتیا غونډه جوړه سوه

په ارغنداو ولسوالۍ کی د محلی اردو دپیاوړتیا غونډه جوړه سوه

[ad_1]

په غونډه کی د کندهار والی حیات الله حیات او ددوه سوه پنځم اتل قول اردو قومندان ترڅنګ، د بهرنیو ځواکونو، د ملی اوردو، ملی امنیت او  ملی پولیسو افسرانو دولتی مسئولینو، قومی مشرانو او ددې ولسوالۍ اوسیدونکو برخه اخیستې وه.

د غونډی پرمهال د امنیتی ځواکونو د لیکو پر پیاوړتیا، د خلګو او امنیتی ځواکونو ترمنځ پرهمږغۍ، د محلی اردو لیکو ته د ځوانانو جلب اوجذب، په کلیوالی سیمو کی د محلی خلګو په مټ د امنیت خوندیتوب او یو شمیر نورو موضوعاتو باندی خبری وسوې.

په ارغنداو ولسوالۍ کی د چهار شنبې په ورځ د محلی اردو دپیاړتیا غونډه جوړه سوه، چی پکښی د محلی اردو پر تشکیلاتو باندی خبری وسوې، ترڅو په کلیوالی سیمو کی ځوانان د ملی اردو په لیکو کی شامل او په خپلو سمو کی د وسلوالو مخالفینو پرضد فعالیت وکړی.

د ۲۰۵ اتل قول اردو د سیمه ییزو اردو په چوکاټ کی ارغنداب ولسوالۍ ته ۱۲۱ تنه افسران، برید ملان او سر تیری ورکړل، چی د همدې سیمی د اوسېدونکو او خپلی سیمی امنیت به ساتی.

د دوه سوه پنځم اتل قول اردو قومندان ډګر جنرال امام نظر بهبود په یاده امنیتی غونډه کی د ملی اردو ځواکونه د خلګو او هیواد خدمت ګاران وبلل.

دده په وینا هغه ځوانان چی په کلیوالی سیمو کی بیکاره دی او سواد نه لری د هغوی لپاره دا یو ښه چانس دی، تر څو فوځی روزنه ترلاسه او وروسته په خپلو کلیوالی سیمو کی د محلی اردو په شکل دنده تر سره کړی.

کندهار والی حیات الله حیات دغونډی ټولو نظامی برخوالو ته ډاډ ورکړ چی ټول ولس به ستاسو ملاتړ کوی او هغه ځوانان چی په کلیوالی سیمو کی ژوند کوی، هغه به د محلی اردو په لیکو کی شامل کیږی، تر څو خپله سیمه د دوښمن د شتون څخه پاکه وساتی.

نوموړی د ولسوالیو د مسئولینو، قومی مشرانو او ولسی خلګو باندی ږغ وکړ، چی د محلی اردو په لیکو کی ځوانان شامل کړی، ترڅو په کلیوالی سیمو کی د خپل کلی او کور ساتنه وکړی.

د ارغنداب ولسوال انجینر شریف احمد رسولی هم ډاډ څرګند کړ، چی ددې ولسوالۍ اوسیدونکی ټول یو مټ دی او د خپلو امنیتی ځواکونو پوره ملاتړ کوی.

دده په وینا په ارغنداب ولسوالۍ کی به د ټولو کلیو د مشرانو سره خبری کوی، ترڅو هغه ځوانان چی په کلو او بانډو کی بیکاره دی هغوی به د محلی اردو لیکو ته جلب او جذب کړی.

د یادونی وړده، چی په کلیوالی سیمو کی د محلی اردو په لیکو کی د ځوانانو جلب او جذب نه یوازی د بیکارۍ مخه نیسی، بلکلی د کلیوالو کلتور رواجونو او سیمی د خلګو سره پوره بلدیت هم لری او کولای سی چی په ښه توګه په خپلو سیمو کی مخالفین په نښه او د خپلی سیمی امنیت خوندی کړی.

خبریال: عبدالقیوم شکوری

[ad_2]
Source link

خپرندوی admin

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *