Home / خبرونه / افغانستان / امریکا په افغانستان کې خپلو موخو ته نه ده رسېدلې – ‌ويسا ورځپاڼه|روزنامهء ویسا

امریکا په افغانستان کې خپلو موخو ته نه ده رسېدلې – ‌ويسا ورځپاڼه|روزنامهء ویسا

امریکا نه یوازې له ترهګرۍ سره مبارزه کې ناکامه ده بلکې
په افغانستان کې د یو باثباته حکومت جوړولو هیلې یې هم له لاسه ورکړې دي

کابل – امریکايي شنونکی وايي چې د امریکا متحده ایالات
په افغانستان کې خپل اهداف نه دي ترلاسه کړي.

امریکايي شنونکی اډوارډ کوریګن وایي، له دې سره سره چې
امریکا له تېرو اتلسو کلونو راهیسې په افغانستان کې قرباني ورکړې او میلیاردونه
ډالر یې مصرف کړي دي خو دا هېواد نه دی توانېدلی خپلو اهدافو ته ورسېږي.

اډوارډ کوریګن له پریس ټي وي سره په خبرو کې ویلي، د
امریکا لومړني اهداف د ترهګرو له منځه وړل او په یاد هېواد کې د یو باثباته حکومت
جوړول وو خو په وینا یې داسې ښکاري چې دا هېواد نه یوازې له ترهګرۍ سره مبارزه کې
ناکام دی بلکې د یو باثباته حکومت جوړولو هیلې یې هم له لاسه ورکړې دي.

د دغه امریکایي شنونکي څرګندونې داسې مهال دي، چې د
متحده ایالاتو ولسمشر ټینګار کوي، چې نور په افغانستان کې خپله جګړه پای ته رسوي.




Source link

خپرندوي ويسا

Leave a Reply