کور / خبرونه / د پي ټي ایم پر ملاتړ د خېبر پښتونخوا وکیلانو کاربنديز کړی – KHABARIAL.COM

د پي ټي ایم پر ملاتړ د خېبر پښتونخوا وکیلانو کاربنديز کړی – KHABARIAL.COM

[ad_1]

خبریال وېبپاڼه / ۲۷ مۍ ۲۰۱۹ – د خیبر پښتونخوا وکیلانو د تېرې ورځې په خړ کمر سیمه کې د رامنځته شوې پېښې پر ضد نن په ټولو عدالتونو کې کاربندیز اعلان کړی او خپلو دندو ته نه دي حاضر شوي.

د خیبر پښتونخوا دا وکیلان وایې چې د پي ټي ایم پر کاروان او په لاریون برید چې شهیدان او ټپیان هم لري د پاکستاني بوځیانو له لورې سخت ظلم دی دوی وایې پاکستانی حکومت هیڅ حق نلري چې داحتجاج کووکنو پر وړاندې ډزې وکړي.

د دغې برید په تړاو تېره شپه خبریال ډاټ کام ته د پی ټي ایم یو استازي وویل چې د پوځ لخوا پر پي ټي ایم په دې برید کې دری کسان په شهادت رسېدلي دي د سرچینې پر وینا ممکن د شهیدانو شمېر نور هم لوړ شي ځکه په برید کې یو شمېر سخت ټپیان هم لیدل شوي دي.

د پښتون ژغورنې غورځنګ مخکښ مشر محسن داوړ بیا ویلی و چې دوی شمالي وزیرستان ته د لاریونو په موخه روان و چې په لار کې پرې پاکستاني پوځیانو ناڅاپي ډزې پیل کړې چې د ده په ګډون په کې زیات شمېر د هغه ملګري ټپیان شوي دي خو خپل ټپ یې معمولي بللی دی.

ثنا اعجاز هم خبریال ډاټ کام ته وویل چې په پېښه کې تر ۴۵ پورې کسان ټپیان او درې شهیدان شوي دي د دې پر وینا د پاکستاني پوځ له لورې علي وزیر او ډاکټر ګل عالم د برید پر ځای کې نیول شوي دي چې تر اوسه یې په اړه کوم خبر نشته دی.

پاکستاني پوځیانو د پښتون ژغورنې غورځنګ پر وړاندې تاوتریخوالي ته زور ورکړی چئ د دغې برید وروسته د پي ټی ایم مشر منظور پښتین وایې مونږ په دې ډول بریدونو نه بچ کېږو چې خولې بندې کړو مونږ به تل مبارزه کوو او د پښتنو حق به غواړو.

بلخوا ځیني پاکستاني چارواکي هم داخبرخ کوي چې حکومت هیڅ حق نلري چې د پي ټی ایم د احتجاجونو مخه ونیسي ځکه دوی په حقه دي او په سمه توګه خپل حق غواړي دغه راز دوی وایې حکومت دا حق هم نلري چئ د پارلمان غړی دی له کومې سیمې راوګرځوي ځکه دوی د خلکو استازي دي.

دغه راز پاکستانۍ رسنیو له پرون راهیسې د محسن داوړ پر ضد ناسم منفي تبلغیات پیل کړي او غواړي چې د غه مبارزه یو منفي لور ته کش کړي خو د محسن داوړ یو ټویټ پاکستانۍ رسنیو ته پر مخ کلکه څپېړه ده چې ټول یې پر خپل پلان کې ناکامه کړي.



[ad_2]
Source link

خپرندوی admin

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *