Home / خبرونه / افغانستان / خلیلزاد او طالب پلاوی د سولې په مهمو ټکو خبرې کړي

خلیلزاد او طالب پلاوی د سولې په مهمو ټکو خبرې کړي

افغان سولې
لپاره د امریکا د بهرنیو چارو وزارت ځانګړي استازي او د ملابرادر په مشرۍ طالب
پلاوي قطر کې د دغه هېواد د بهرنیو چارو وزیر په ګډون د سولې پر مهمو موضوعاتو
خبرې کړي دي.

قطر کې د
طالبانو د سیاسي دفتر ویاند سهیل شاهین وايي، چې تیره ورځ ( یکشنبه سلواغې ۲۰ )
طالب پلاوي او افغان سولې لپاره د امریکا ځانګړي استازي د قطر هېواد د بهرنیو چارو
وزیر په ګډون د مذاکراتو د پایلو او راتلونکو ګامونو په اړه یې بحث وکړ.

سهیل شاهین پر
خپل ټوېټر لیکلی:

“نن ماښام د
اسلامي امارت سیاسي مرستیال محترم ملا برادر اخند، ملا محمد فاضل مظلوم، محترم ملا
خیرالله خیرخواه او محترم مولوي امیرخان متقي، د قطر له خارجه وزیر او ډاکټر زلمي خلیلزاد
سره ناسته درلوده، د مذاکراتو د نتایجو او بعدي اقداماتو په اړه یې په ځینو مهمو
موضوغاتو بحث وکړ.”

دا په داسې حال
کې ده چې تیره اونۍ خلیلزاد کابل کې له افغان چارواکو او یو شمېر سیاستوالو سره وکتل،
او د سولې  د روان بهیر په اړه یې خبرې وکړې.

افغان حکومت
د  خلیلزاد له قوله وویل چې دا مهال د سولې
خبرو کې هېڅ ډول د پام وړ پرمختګ ندی رامنځته شوی، او امریکايي لوری د طالبانو
پرېکنده ځواب ته په تمه دي.

تیره اونۍ د
طالبانو او امریکا تر منځ د سولې خبرو کې تر هغه وروسته یو شمېر ناندرې راپورته
شوې چې د امریکا د بهرنیو چارو وزیر مایک پمپیو پر طالبانو پړه واچوله چې ګواکي
طالبان د تاوتریخوالي کمېدو ته هوډ نلري.

طالبان د  مایک پمپيو په ځواب کې وویل چې امریکا دې د خپل
بام واورې زموږ پر بام نه اچوي، او وویل چې د ټرمپ ټويټ او  امریکايي او کابل  کې د چارواکو تر منځ د سولې خبرو کې نه همغږي د
سولې بهیر ټکنی کړی دی.


Source link

خپرندوي خامه پرس

Leave a Reply