کور / خبرونه / په ننګرهار كې نهه داعش وسله وال وژل شوي

په ننګرهار كې نهه داعش وسله وال وژل شوي

[ad_1]

د ننګرهار ولايتي چارواكي وايي، د دغه ولايت په چپرهار ولسوالۍ کې د ملي امنيت د ځانګړو ځواکونو په عملياتو کې نهه داعش وسله وال وژل شوي دي.
د ننګرهار د والي وياند عطاء الله خوږياڼي كليد ته وويل، دا عمليات تېره شپه د چپرهار ولسوالۍ په داودزي او اغزو سيمو كې ترسره شول.
د ده په وينا، په وژل شوو كسانو كې د يادې ولسوالۍ لپاره د داعش ډلې نظامي مسوول ډاکټر بلال او داعش قوماندان قاري نجيب هم شامل دي.
خوږياڼي زياته كړه، عمليات كوونكو ځواكونو د داعشيانو يو مركز هم په نښه كړى او په كې يې ګڼ شمېر وسلې، مهمات او چاودېدونكي توكي له منځه وړي دي.
داعش ډلې تر دې دمه د دغو عملياتو په تړاو رسنيو ته څه نه دي ويلي.

 

[ad_2]
Source link

خپرندوی admin

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *