Home / خبرونه / سيمه او نړۍ / آلمان ته د مخدره توکو په قاچاق کې زیاتوالی راغلی | آلمان او نړۍ | DW

آلمان ته د مخدره توکو په قاچاق کې زیاتوالی راغلی | آلمان او نړۍ | DW

د آلمان خبري آژانس د رپوټ له مخې د آلمان د مالیې وزارت ارقام ښيې چې په تیر میلادي کال کې د دې هیواد ګمرکي چاراکو ۹۱۸ کیلوګرامه هیروین ضبط کړي دي. دا په داسې حال کې ده چې په ۲۰۱۷م کال کې دغه شمیر یوازې ۶۲ کیلوګرامه وو.

زیاته شوې ده چې پر دې سربیر د ضبط شوو کوکاکین، اکستازي او آمفتامین مخدره توکو په شمیر کې هم زیاتوالی راغلی دی. د سګریټو او الکولو قاچاق بیا کم شوی دی.

د آلمان د مالیې وزارت د لیبرال دیموکرات ګوند د یوې پوښتنې په ځواب کې ویلي دي چې غیر قانوني مخدره توکي آلمان ته د ځمکې، سمندر او یا هم هوایي لارې قاچاق کیږي.

زیاته شوې ده چې د آلماني چارواکو له لوري د نیول شوو چرسو لویه برخه له مراکش هیواد څخه وه چې د هالنډ، هسپانيا او فرانسې له لارې قاچاق شوي.

له بل لوري بیا زیاتره هیروین د افغانستان، پاکستان او ایران څخه د بالکان له لارې قاچاق کیږي. کوکاین بیا له سویلي امریکا څخه له سمندري او یا هم هوایي لارې قاچاق کیږي.

 




Source link

خپرندوي ډچ

Leave a Reply