کور / خبرونه / شبنم نومې افغان محصلې داسې زیرک سیستم جوړ کړی، چې له درغلۍ پاکې رایې معلومولی شي

شبنم نومې افغان محصلې داسې زیرک سیستم جوړ کړی، چې له درغلۍ پاکې رایې معلومولی شي

[ad_1]

(Last Updated On: May 16, 2019)

د ارواپوهنې یوې هراتۍ محصلې یوه داسې زیرکه برښنایي وسیله جوړه کړې، چې کولی شي د ولسمشرۍ د ټاکنو پایلې د رایو د ورځې په پای کې ښکاره کړي.

څلیریشت کلنې شبنم، چې د اروا پوهنې محصله ده؛ له شپږ میاشتني زیار وروسته یو داسې زیرک سیستم جوړ کړی، چې د ولسمشرۍ په ټاکنو کې پرې له درغلۍ پاکې رایې معلومیدای شي.

دا وسیله کولی شي ټاکنیز بهیر ساده او د ټاکنو پایله د رایو ورکولو د ورځې په پای کې روښانه کړي.

شبنم میر وایي، دا وسیله کولی شي نه یوازې په ټاکنو کې له درغلیو مخنیوی وکړي، بلکې رایو ته برابر کسان د ټاکنو خپلواک کمیسیون په کمپیوتري سیستم کې ثبت کړي.

د نوي برښنایي زیرک سیستم جوړونکې شبنم میر وایي: خپه په اتومات ډول رایې د ټاکنو خپلواک کمیسیون ته لیږي او له مخې یې لومړنۍ پایلې د ټاکنو پر ورځ او وروستۍ هغه له ټاکنو یوه ورځ وروسته اعلامولی شو.

د نوموړي په وینا؛ د دې وسیلې پر کارولو د رای ورکولو له مرکز څخه د اطلاعاتو د لیږدولو لپاره انترنت ته هم اړتیا نه لیدل کیږي او د جي سي ام پر سیمکارت کیدی شي د هېواد له هرې برخې اطلاعات او معلومات د ټاکنو خپلواک کمیسیون ته ولیږدول شي.

د دې وسیلې پر مرسته څه ‌ډ‌ول کولی شو رایې ورکړو؟

شبنم میر یې په اړه وایي؛ لومړی هره رای پاڼه باید ځانګړی کود ولري، چې د درغلیو مخه پرې ونیول شي او د رایي ورکوونکي له بایومتریک کیدو وروسته، یو بل کود هم پر پاڼه لګول کیږي. کله، چې رای ورکوونکی رایه کاروي، د رای پاڼې معالومات په دوه لایزري سترګو لوستل کیږي او د رایو ورکولو مرکز ته اطلاعات له کمپیوتري سیستم سره د ټاکنو خپلواک کمیسیون عمومي سرور ته لیږدول کیږي؛ پرته لدې، چې انترنت ته اړتیا پېښه شي.

شبنم میر له دوه کمرو هم کار اخیستی؛ یو د رای ورکوونکي د تصویر اخیستو لپاره او دوه یم هم د رايې ورکولو بهیر د ثبتولو په خاطر. نوموړې کمرې له یوې زیرکې غوږۍ سره نښلولی، چې د رایو ورکولو له مرکز څخه شېبه په شېبه معالومات وڅاري.

دا سیستم کولی شي، چې د لمر له وړانګو چارج شي.

شبنم میر زیاتوي؛ له دغې وسیلې څخه، چې ما جوړه کړې هیڅوک نشي کولی دوه ځلې رای ورکړي؛ خو ، چې د رای ورکوونکي د ثبت رسید وي.

د دغه سیستم د کارولو په صورت کې اړتیا نشته، چې ستیکر پر پېژندپاڼو ولګول شي او یا هم د رایو ورکولو نوملړ ترتیب شي. پر شرایطو برابر هر رای ورکوونکی کولی شي پر برښنایي او کاغذي پېژندپاڼو یو ځل خپله رای ورکړي. د شبنم میرزیرک سیستم کولی شي د یوه شخص دوه یمه رای باطله کړي او په څلورو کورنیو او بهرنیو حافظو کې یې ثبت کړي، چې له درغلیو پاکې رایې او ټاکنې رامنځته شي.

خبریال: باعث حیات

[ad_2]
Source link

خپرندوی admin

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *