Home / خبرونه / سيمه او نړۍ / په چين کې د کورونا ويروس د قربانيانو شمېر ۴۲۶ ته ورسېد

په چين کې د کورونا ويروس د قربانيانو شمېر ۴۲۶ ته ورسېد

د چين دولتي ټلويزيون نن په خپل تازه راپور کې ويلي، چې د دغه هېواد په ټولو برخو کې د کورونا ويروس له کبله د وژل شوو کسانو شمېر ۴۲۶ ته رسېدلى دى.
د چين د روغتيايي بنسټونو په وينا، ۱۰ زره او ۹۹۰ کسان په روغتونونو کې بستر دي، چې د ۵۷۶ تنو روغتيايي حالت د اندېښنې وړ دى.
په نړۍ كې تر دا مهاله تر ۲۰ زرو ډېر کسان په کورونا ويروس اخته شوي دي.
روغتيايي فعالان په ساه اخيستلو کې سختوالى او يا تنفسي ستونزې، تبه او دوامداره ټوخى د ياد ويروس عمده نښې بولي.
د يادولو وړ ده، چې کورونا ويروس د ځاني زيانونو ترڅنګ چين ته ميلياردونه ډالر مالي زيانونه هم اړولي او دې هېواد ته د امريکا، کاناډا، قطر او يو شمېر نورو هېوادونو د الوتکو پروازونه هم ځنډول شوي دي.


Source link

خپرندوي کليد راډيو

Leave a Reply