جمعه , اپریل 26 2019
Home / خبرونه / افغانستان او نړۍ / طالبانو پر کندوز ښار له څو خواوو حملې پیل کړي

طالبانو پر کندوز ښار له څو خواوو حملې پیل کړي

تاند- وسله والو طالبانو له تېرې شپې څخه د کندوز ښار پر شاوخوا حملې پیل کړي چې لا هم روانې دي.

د کندوز د ولایتي شورا ريیس محمد یوسف ایوبي نن /شنبه/ رسنیو ته وویل، طالبانو د تېرې شپې له شاوخوا ۱۲ بجو راهیسې پر کندوز ښار له څو خواوو حملې پیل کړي او تراوسه پورې لږترلږه ۶ تنه پکې وژل شوي او تر ۵۰ ډېر نور ژوبل دي.

ایوبي همداراز وویل چې سلګونه تنه د ښار له څنډو تښتېدلي او د درنو وسلو او چاودنو ږغونه په ښار کې اورېدل کېږي.

کندوز په تېرو څو کلونو کې دوه ځلې د طالبانو لاس ته لوېدلی چې له کبله یې د دې ښار لسګونه زره اوسېدونکي بې ځایه شوي، سلګونه دوکانونه او کورونه یې ویجاړ شوي او تاسیساتو ته یې سخت تاوانونه اوښتي دي.

98 total views, 98 views today

بشپړ خبر په اصلي منبع کې وګورئ

About تاند