سه شنبه , مارچ 26 2019
Home / خبرونه / افغانستان او نړۍ / د افغانستان په اړه د امریکا د ولسمشر او جګپوړو چارواکو غونډه

د افغانستان په اړه د امریکا د ولسمشر او جګپوړو چارواکو غونډه

تاند- د امریکا ولسمشر ډانلډ ټرمپ پرون د خپل هیواد له جګپوړو پوځي، ملکي او استخباراتي چارواکو سره د افغانستان په اړه د بندو دروازو تر شا غونډه وکړه.

په دې غونډه کې د امریکا مرستیال ولسمشر مایک پینس، لوی درستیز جوزیف دانفورد، د بهرنیو چارو وزیر مایک پامپیو، د سي آی اې رييس جینا هاسپل او د ملي امنیت سلاکار جان بولټن ګډون درلود.

د سپینې ماڼۍ یوه چارواکي، چې نه یې غوښتل نوم یې واخیستل شي، اسوشیتید پریس خبري اژانس ته ویلي چې امریکايي مشرانو د افغانستان د ملي امنیت د سلاکار حمدالله محب له څرګندونو وروسته د دفاع وزارت په پټه خونه کې غونډه وکړه.

خو ډېر احتمال شته چې امریکايي مشرانو دا غونډه په قطر کې د امریکا او طالبانو په غونډه کې پر شوې موافقې د بحث لپاره دایره کړې وي.

طالبانو اسوشیتید پریس خبري اژانس ته ویلي چې امریکا ته ویلي چې خپل پوځیان دې د ۳ تر ۵ میاشتو په منځ کې وباسي خو امریکایانو ورته ویلي چې په ۱۸ میاشتو کې به یې وباسي.

271 total views, 271 views today

بشپړ خبر په اصلي منبع کې وګورئ

About تاند